Фойдаланиш шартлари

farq.uz (farq.uz сайти ва мобил иловаси)дан фойдалансангиз, ушбу шартларга рози бўласиз. Хизмат охирги фойдаланувчилар учун «боричa» ва бепул тақдим этилади.

Нима қиламиз

farq.uz Ўзбекистон маркетплейсларидаги нархлар ҳақида очиқ маълумот йиғади ва энг арзон нархни топишга ёрдам беради. Биз сотувчи эмасмиз — харид маркетплейс томонида унинг қоидалари бўйича амалга оширилади.

Нархлар аниқлиги

Нархларни ҳар соатда янгилашга ҳаракат қиламиз, бироқ 100% долзарблигини кафолатламаймиз. Маркетплейсда нарх фарқ қилса — маркетплейс нархи амал қилади. Аниқ номувофиқликлар бўйича [email protected] га ёзинг.

Маркетплейслар жавобгарлиги

Кафолат, етказиб бериш, қайтариш ва товар сифати — тегишли маркетплейс (Uzum, Wildberries, Yandex Market ва ҳ.к.) мажбурияти. farq.uz харидор ва сотувчи орасидаги низога аралашмайди.

Молиявий маҳсулотлар

Омонатлар, кредитлар ва суғурта бўлимлари — ахборот хизмати, оферта эмас. Ставка ва шартларни банклар ҳамда суғурта компаниялари ҳужжатларидан, ҳужжат ўқилган сана билан бирга чоп этамиз; якуний шартларни банк ёки суғурталовчи белгилайди. farq.uz пул қабул қилмайди, омонат очмайди ва кредит бермайди — ариза танланган ташкилотга узатилади, шартномани сиз ўша ташкилот билан тузасиз.

Тақиқланган

farq.uz маълумотларини ботлар орқали скрейплинг қилиш, иловани тескари муҳандислаш, хизматдан фирибгарлик ёки ғалва учун фойдаланиш. Бузилишларда аккаунт блокланади.

Шартлар ўзгариши

Муҳим ўзгаришлар бўлганда 14 кун олдин илова ва сайт орқали хабар берамиз. Кейинги фойдаланиш янги таҳрирга розилик ҳисобланади.

Юрисдикция

Шартлар Ўзбекистон Республикаси қонунчилиги билан тартибга солинади. Низолар Тошкент шаҳар хўжалик судида кўриб чиқилади.